The cycle we called life

Madalas ka bang mamuna ng maling gawi ng iba, pero hindi mo napupuna ang pagkakamali mo?. Kung ang sagot mo sa katanungan ko ay OO, halika dito sa tabi ko at mag-usap tayo. Papayuhan kita at payuhan mo rin ako, dahil katulad mo nagdaan din ako sa pagiging palaging namumuna, pero hindi ko naman napapansin na mas marami palang dapat punahin sa aking sarili.

Tinitingnan mo ba ang sarili mo sa salamin?, kung OO ulit ang sagot mo? siguro makikita mo rin na may kapintasan ka rin. Huwag kang mag-alala normal lang ang may kapintasan sa katawan. Di ba nga wala namang perpekto? si Perfecto lang daw ang perpekto sabi ng mga tambay sa kanto.

Ang bakuran ba ng iba napapansin mong maraming kalat?, kung OO ulit ang sagot mo? ano naman ang gagawin mo? ire-report mo ba sa pulis o sa baranggay?. o itsi-tsismis mo sa inyong mga kapitbahay?. Hindi ba dapat na lang na iyong pabayaan at asikasuhin na lamang ang sariling bakuran?, baka kasi hindi lang napapansin na sasakan na rin ng dami ang nakakalat sa iyong bakuran at kailangan na ng iyong pansin.

Ang problema ba ng iba, eh problema mo na rin ba?,  pag may kagalit ba ang kaibigan mo dapat bang galit ka na rin dun sa kanyang kagalit?. kung lahat ng katanungan ko ay oo ang sagot mo pwede bang malaman kung bakit?.